Ебіней Бөкетов ескерткіші

Қарағандылық мүсінші Жаубасар Қалиев жасаған Ебіней Бөкетовке арналған ескерткіш (бюст) ғалымның атымен аталған көше мен Брусиловский көшесін қосатын шағын бақта орнатылған. Гранит тұғырда – Ебіней Бөкетовтің бюсті. Ескерткіштің биіктігі төрт метрге жуық. Айналасындағы алаңқайға кеспе төселген. Шағын бақ гүлзарлармен, жас көшеттермен безендірілген, сәулетшінің ойы бойынша болашақта асыл тұқымды ағаштармен – шыршалармен, қарағайлармен толықтырылады. Демалып отыратын орындықтар қойылған.